సిగరెట్ తాగితే శరీరంలో ఏమవుతుంది?
https://youtube.com/shorts/DTOdVzUVHis?feature=share
సిగరెట్ తాగడం ఒక చెడ్డ అలవాటు అని చాలా మందికి తెలుసు, అయినా కూడా చాలామంది ఆ అలవాటును వదలలేకపోతున్నారు, ముఖ్యంగా కొంతమంది యువకులు చిన్న వయసులోనే సిగరెట్ తాగడం ప్రారంభిస్తారు, మొదట అది సరదాగా లేదా స్టైల్గా అనిపిస్తుంది,స్నేహితులతో కలిసి ఒకటి రెండు సిగరెట్లు తాగడం పెద్ద విషయం కాదు అనుకుంటారు, కానీ కొద్దికొద్దిగా అది అలవాటుగా మారిపోతుంది.
సిగరెట్ తాగడం చాలా మందికి ఒక సాధారణ అలవాటుగా కనిపిస్తుంది. కొందరు ఒత్తిడి తగ్గించుకోవడానికి, మరికొందరు స్నేహితులతో సరదాగా సిగరెట్ తాగడం ప్రారంభిస్తారు. కానీ స్మోకింగ్ మన శరీరంపై తీవ్రమైన ప్రభావం చూపిస్తుంది. “కొద్దిగా తాగితే ఏమవుతుంది?” అని చాలా మంది అనుకుంటారు. కానీ నిజానికి ఒక సిగరెట్ కూడా శరీరంలో హానికర మార్పులను ప్రారంభిస్తుంది
మొదట రోజుకు ఒకటి లేదా రెండు సిగరెట్లు తాగేవారు, తరువాత రోజు రోజుకు సంఖ్య పెంచుకుంటూ వెళ్తారు, కొందరు ఒక ప్యాకెట్ మొత్తాన్ని కూడా రోజుకు తాగే స్థితికి చేరుకుంటారు.
సిగరెట్లో ఎక్కువ రకాల రసాయన పదార్థాలు ఉంటాయి, వీటిలో చాలా ఆరోగ్యానికి ప్రమాదకరమైనవి, ముఖ్యంగా నికోటిన్, కార్బన్ మోనాక్సైడ్ మరియు టార్ అనే మూడు పదార్థాలు శరీరానికి తీవ్రమైన నష్టం కలిగిస్తాయి, ఇవి ఊపిరితిత్తులు, గుండె మరియు ఇతర ముఖ్యమైన అవయవాలపై దుష్ప్రభావం చూపించి అనేక వ్యాధులకు కారణమవుతాయి.
ఈ అలవాటు మనకు బయటకు వెంటనే కనిపించకపోయినా, లోపల మన శరీరాన్ని నెమ్మదిగా దెబ్బతీస్తూ ఉంటుంది. సిగరెట్ పొగలో ఉండే విషపదార్థాలు ఊపిరితిత్తులు, గుండె మరియు ఇతర ముఖ్యమైన అవయవాలపై తీవ్రమైన ప్రభావం చూపిస్తాయి.
సిగరెట్ తాగడం వల్ల ఊపిరితిత్తులు బలహీనపడతాయి.,శ్వాస తీసుకోవడం కష్టంగా మారుతుంది,గుండెపై కూడా ఒత్తిడి పెరుగుతుంది, కాలక్రమంలో గుండె జబ్బులు, ఊపిరితిత్తుల వ్యాధులు, అలాగే క్యాన్సర్ వంటి ప్రమాదకర వ్యాధులు వచ్చే అవకాశం పెరుగుతుంది.
మనకు టీవీలో లేదా సినిమా థియేటర్లలో సిగరెట్ తాగకండి అని చెప్పే ప్రకటనలు తరచూ కనిపిస్తాయి. “Smoking is injurious to health” అనే హెచ్చరికలు కూడా చూస్తుంటాం. కానీ చాలా మంది వాటిని చూసినా పెద్దగా పట్టించుకోరు.
రోజూ ఎక్కువగా సిగరెట్లు తాగడం వల్ల శరీరానికి కలిగే నష్టం మాత్రం నిజంగా చాలా తీవ్రమైనది.
ఇంకో ముఖ్యమైన విషయం ఏమిటంటే, సిగరెట్ తాగేవారికి మాత్రమే కాదు, వారి చుట్టూ ఉన్నవారికి కూడా దాని ప్రభావం ఉంటుంది, దీనిని పాసివ్ స్మోకింగ్ అంటారు.
ఉదాహరణకు ఇంట్లో ఎవరో సిగరెట్ తాగితే ఆ పొగను కుటుంబ సభ్యులు, ముఖ్యంగా పిల్లలు కూడా పీలుస్తారు. ఇది పిల్లల ఆరోగ్యానికి చాలా ప్రమాదకరం,వారికి దగ్గు, జలుబు, శ్వాస సమస్యలు వంటి సమస్యలు వచ్చే అవకాశం ఉంటుంది.
స్మోకింగ్ వల్ల ఊపిరితిత్తులపై ప్రభావం
మన శరీరంలో ఊపిరితిత్తులు చాలా ముఖ్యమైన అవయవాలు. ఇవి శరీరానికి ఆక్సిజన్ అందిస్తాయి. కానీ స్మోకింగ్ వల్ల ఊపిరితిత్తులు బలహీనపడతాయి.
సిగరెట్ పొగలో ఉన్న విషపదార్థాలు ఊపిరితిత్తుల్లో చేరి వాటి పనితీరును తగ్గిస్తాయి. మొదట దగ్గు, శ్వాస తీసుకోవడంలో ఇబ్బంది వంటి చిన్న సమస్యలు కనిపిస్తాయి. కానీ కాలక్రమంలో తీవ్రమైన వ్యాధులు వస్తాయి.
చాలా సంవత్సరాలు స్మోకింగ్ చేస్తే లంగ్ క్యాన్సర్, బ్రాంకైటిస్, COPD వంటి వ్యాధులు వచ్చే అవకాశం ఎక్కువగా ఉంటుంది.
గుండెపై స్మోకింగ్ ప్రభావం
స్మోకింగ్ గుండె ఆరోగ్యానికి కూడా చాలా ప్రమాదకరం. సిగరెట్ తాగిన వెంటనే గుండె వేగంగా కొట్టుకోవడం ప్రారంభమవుతుంది. రక్తపోటు పెరుగుతుంది.
కాలక్రమంలో రక్తనాళాలు కఠినంగా మారుతాయి. రక్త ప్రవాహం సరిగ్గా జరగదు. దీని వల్ల గుండెపోటు వచ్చే ప్రమాదం పెరుగుతుంది.
అందుకే డాక్టర్లు స్మోకింగ్ను గుండె వ్యాధుల ప్రధాన కారణాల్లో ఒకటిగా చెబుతున్నారు.
స్మోకింగ్ చేసే వ్యక్తికే కాదు, అతని దగ్గర ఉన్న వాళ్లకూ హాని కలుగుతుంది. దీనిని పాసివ్ స్మోకింగ్ అంటారు.
స్మోకింగ్ మానితే కలిగే ప్రయోజనాలు
స్మోకింగ్ మానడం చాలా మంచి నిర్ణయం. మానేసిన కొద్ది గంటల్లోనే శరీరంలో మంచి మార్పులు ప్రారంభమవుతాయి.
24 గంటల తర్వాత గుండె ఆరోగ్యం మెరుగుపడుతుంది. కొన్ని నెలల్లో ఊపిరితిత్తులు బలంగా మారడం ప్రారంభమవుతుంది. కొన్ని సంవత్సరాల తర్వాత క్యాన్సర్ ప్రమాదం కూడా తగ్గుతుంది.
అందుకే ఆరోగ్యంగా ఉండాలంటే స్మోకింగ్ను పూర్తిగా మానడం చాలా ముఖ్యమైన విషయం.